Khule aasmaan mein udnaa hai mujhe,

Bandishon se ab naa darna hai mujhe.

Koi kuch bhi kare, kuch bhi kahe,

Khud ko saabit karna hai mujhe.

Ye zindagi hai meri, ye safar hai mera,

Phir kyu lage is par kisi ka bhi pehra?

Anmol hai ye jeevan, milta ek hi baar,

Toh kyu naa sun lu dil ki is baar?

Dil me jo sapna hai,

Aakhon me jiski jhalak hai.

Jise paa lene ki mujhe,

Humesha se ek kasak hai.

Ab paana hai voh manzil,

Peeche naa hatna hai mujhe.

Aane wali har mushkil ka,

Saamna ab karna hai mujhe.

Sarhadon ke paar jana hai,

Apna raasta swayam banana hai.

Aazaad panchhi ban kar udna hai,

Kuch bhi ho jaye, peeche naa mudna hai.

Bheed se alag, ek pehchaan ho,

Har jagah, har disha, mera bhi naam ho.

Sapno ko hakeekat me badalna hai mujhe,

Khwaabon ko poora ab karna hai mujhe.

Duniya chaahe jo bhi keh le,

Dil ki apne karna hai mujhe.

Sabse aage badhna hai mujhe..

#DazzlingTwilightFirefly

Advertisements