Aaj ek friend ne mujhse ek question kiya, pata nai mujhse hi kyo kiya, but wo question tha ki Girlfriend hona chaiye ya nai?? 😁
Hehehe, pehle mujhe bohot funny laga ye sunke, mujhe koi itna experience nai hai, but ek ladki hu isliye mai itna toh samajhti hu ki ek ladki chahti kya hai!

So aaj ka topic, What does a Girl want?

Maybe ye mai likh rahi hu toh jyada relate mujhse kare, sab girls ki thinking bhi different ho sakti hai na.

Ek ladki chahti hai ki koi usko sachhe dil se pyaar kare, koi humesha uski care kare, din me ek hi baar baat kare but thode pyaar se, usko priority de apni life me, uski baato aur decisions ki respect kare, uski chhoti chhoti cheezo ka khyaal rakhe, usko good morning, good night wish kare, usko feel karwaye ki vo special hai, uske liye sab se fight kar jaaye, usse kabhi jhooth nai bole, sabse badi baat usko kabhi bhi, kabhi bhi ignore nai kare, never ever. Usko daante but abuse na kare, vo kabhi galat hai toh pyaar se samjhaye, uske efforts ko appreciate kare, usse humesha bataye ki vo usse kitna pyaar karta hai! Aur humesha true rahe.

My friend, ek ladki ka dil bohot soft hota hai, uska dil kabhi mat todna. Friends banane me koi dikkat nai hai, friends banao baate karo, naye logo se milo, but ye decision jaldi jaldi me nahi lena hota hai. Agar tujhe lage ki she is the one, agar tu uske liye sach me feel karta ho, agar tujhe yakeen hai ki you will keep up with her, tabhi aage badhna, uske baad mind and heart kuch bhi divert nai hona chaiye.

Aise mauke bohot kam aate hai jab hume lagta hai ki ye person hi humare liye correct hai, but bohot baar ye galat bhi ho jata hai. Isliye thoda patience rakhna, Hazaaro log ayenge life me, hume kaise pata ki kaun humare liye correct hai. Aise dhundne se kabhi koi nai milta, wait karna, zaroor koi na koi hogi jo tera hi wait kar rahi hogi! 💜

Bas theek hai ki aur kuch bhi likhu? Ab kuch idea nai aa raha aur mujhe. Aur agar kisi ke paas aur koi ideas ho toh please share kare! Hahah, friend confusion me hai thoda! 😁😁

Advertisements