image

Kranti-veeron ne dekha jo aazaad Bhaarat ka sapna,
Jis Bhaarat ki unhone ki thi kalpana.
Kya sahi maaynon me voh hua hai poora?
Ya phir hai voh ab tak adhoora!

Humaari aazaadi ke liye voh vardaan hue,
Bhaarat ke liye jo garv se kurbaan hue.
Khoon-kharaaba hua, bahee khoon ki nadiyaan,
Swatantrata paate paate beet gayi sadiyaan.

Aaj humaara Bhaarat-varsh aazaad hai,
Par kya un shaheedon ki kurbaani hume yaad hai?
Desh-prem ab dhal chuka hai,
Aazaadi ka arth badal chuka hai.

Kya aaj ka naagrik zimmedaariyon se aazaad hai?
Apne kartavyon ka use kyon nahi aabhaas hai?
Aaj ke yuva ka alag hai raasta,
Kya desh se nahi hai uska koi vaasta?

Aaj ki jwalant samasyaein hain gareebi aur bhrashtachaar,
Kya nahi hai yeh Bhaarat ki swaadheenta par atyachaar?
Nirantar badh rahi yahaan mehngaayi ki maar hai,
Iske liye aakhir kaun zimmedaar hai?

Aaj se hum yah sankalp lenge,
Apne kartavyon se kabhi peechhe na hatenge,
Desh ko har samasya se nijaat dilayenge,
Aur Bhaarat ko saare vishwa me aggrani banayenge!

Wishing you all a Happy Republic Day, proud to be an Indian! ✌✌

*I wrote this when I was in class 10th, it was for a skit performed by our class.
And sorry I won’t be able to type in Hindi, sorry for any spelling mistakes!*

Advertisements