image

Is duniyaan me aane wali vo nanhi si kali,
Khilne se pehle hi murjha gayi.
Raund kar us naazuk kali ko,
Ye duniya kyun muskura gayi?

Us maa ke dil par kya beeti hogi?
Jab ye kathor duniya usse jeeti hogi.
Ek hi pal me beeti hongi sadiyaan,
Aur nirantar bahi hongi aansuon ki nadiyaan.

Is nirdayi duniya se hokar majboor,
Us maa ko hona pada apni bachchi se door.
Aakhir kya kiya tha us nanhi si jaan ne?
Aakhir kya tha us bachchi ka kasoor?

Maanavta ka gala ghont kar,
Is samaaj me vishamta vyaapt hai,
Aakhir kyun us chhoti si bachchi ko bhi,
Samaan adhikaar na praapt hain?

**Written on 01/02/12 Female Infanticide, (Social Club Class 10)**

Advertisements