image

Jo sab se nyaara hai,
Jo sab se pyaara hai.
Aankhon ka jo taara hai,
Voh Bhaarat desh humaara hai.

Par humaari pragati ki raah me kuch kaante hain,
Jo humaare desh ko anginat hisson me baante hain.

Desh ke kone kone me aise raakshas hain har kahin,
Samajh nahi aata kis par vishwas karein aur kis par nahin.

Kyon voh ladki aaj ghar se baahar nikalne ko tarasti hai?
Kyon apne sheher ki khuli sadkon par chalne se voh darti hai?

Sirf aise kuch logon ke kaaran jo–
Kisi bhi sthiti me nahi vo maanav hain,
Aam vyakti ki shakal me vo daanav hain.
Maanavta ke naam par jo ek kalank hain,
Apne hi desh me faila ye aatank hain.

Pehle fasaate hain logon ko kar meethi-meethi baatein,
Fir karte hain unpar ghor atyaachaar ki barsaatein.

Us maasoom ki saari zindagi ek pal me ujaad di,
Dard aur chot use yun hi udhaar di.

Voh bechaari apni duvidha bata bhi na paayi,
Uljhanon me doobi voh kuch jataa bhi na paayi.

Uske vyaktitv ka hanan hua,
Uspar maansik prahaar hua.
Kis tarah se uspar,
Vo avaanchhit atyachaar hua.

Isi vidambana me uljhe usne khud ko besahaara paya,
Antt me kuch bhi soche bina, usne aatm-hatya ka raasta apnaaya.

In daanavon ne us nanhi si jaan par jo atyachaar kiya,
Ek baar fir ek ujjwal bhavishya ko yuh hi andhakaar kiya.

Agar inhein abhi bhi na roka gaya, toh ye badhte hi jayenge,
Aur kal ke hone wale sitaaron ke bhavishya ko nigalte hi jayenge.

Bhaarat ko viksit desh banaana hoga,
Aise paapiyon ke astitva ko mitaana hoga.
Inke liye koi sazaa nahi hai kaafi,
Inhe toh seedha faansi par chadhana hoga.

Voh bachchi khud toh chali gayi,
Par hume ek protsahan de gayi.

Ki anyaay toh hote rahenge, inse bach na payenge hum,
Agar ab bhi chup rahe, toh baad me pachtayenge hum.

Tab anyaay seh kar jitne gum honge,
Un sabke zimmedaar sirf aur sirf hum honge.

Isliye aaj se hum yeh pran lenge:-
Ki ab koi bhi atyachaar hum sahenge nahi,
Anyaay hone par chup hum rahenge hahi.

Insaaf ke liye awaaz uthaate rahenge hum,
In daanavon ko inki aukaat dikhaate rahenge hum.
In daanavon ko inki aukaat dikhaate rahenge hum..

**Written on 10/10/13, On increasing Rape Cases**

Advertisements