Ishwar ka roop hain humaare guru,
Vaastav me vahi karte hain humaara jeevan shuru.

Humaare guru hain gyaan ka bhandaar,
Unhi se milta hai sneh apaar.

Nayi umang se kaarya karne ka jazbaa hai diya,
Jeevan ke har mod par protsaahit hume kiya.

Jab kiye hain kaarya sahi, tab hai unhe saraaha,
Galat kaarya karne ppar unhe bhi hai sudhaara.

Kabhi guru ki pyaar bhari daant bhi khaayi,
Jiske peechhe bhi chhipi thi humaari hi bhalaai.

Bulandiyon ko paane ka hausala unse mila,
Unhi ke aashirwaad se is gulshan ka har phool khila.

Swayam mushkilon ka saamna kar,
Hume diya ek ujjaval kal.
Sahi marg darshan dekar,
Kar diya ye jeevan safal.

Guru karte hain har kaarya niswaarth,
Jisse arjit hota hai hume paramaarth.

Un sabhi ko aaj mera dil se hai pranaam,
Jinhone bhi guru ki bhaanti, sahi raah dikhaayi, mera haath thaam.

**Written on the occasion of Teacher’s Day Celebration, 01/09/10 Class 8**

Advertisements