Bhaiya, atoot hai rishta mera aur tumhara,
‘Bhai-behen’ ka rishta yeh sabse pyaara.

Kitna mujhe sataate ho tum,
Par roothti hu mai toh manaate ho tum.

Kabhi kabhi khud karte ho masti,
Maa ki daant mujhe khilate ho tum.

Toh kabhi mujhse ho jaye koi galti,
Tab usi daant se bachaate bhi ho tum.

Kabhi bina baat haste ho, bilkul bachche ban jate ho tum,
Toh kabhi bade bhaai ka farz bhi nibhaate ho tum.

Har mushkil me mere sath rehte ho tum,
Koi mujhe kuch keh de, toh na sehte ho tum.

Humesha rakhte ho mera khayal,
Mere sabse achche bhai ho,
Duaa karti hu aaj ye,
Har behen ka tum jaisa bhai ho!

**Written on 21/08/13**

Advertisements